Sunday, September 10, 2017

එංගලන්තයේ ග්‍රෙන්ෆෙල් සහ ලංකාව


එංගලන්තයේ මෑතකදී  සිදුවූ ග්‍රෙන්ෆෙල් බිල්ඩිමේ ගින්න ගැන ගොඩක් අය ඒ දවස් වල කතා කලා.දැන්නම් මේ ගැන ගොඩක් දෙනෙකුට අමතක වෙලත් ඇති. ඒ උනත් මේ ගින්න නිසා සිදුවූ මිනිස් ජීවීත හානිය ත් එක්ක ඒ සිදූවීම එහෙම ලේසීයෙන් අමතක කරලා දාන්න එංගලන්ත සිවිල් ඉංජිනේරුවන් හෝ බලධාරීන් කටයුතු කරලා නෑ.

80ක් පමන වූ සංක්‍රමණිකයන් හා අඩුආදායම් ලාභී නිවැසියන් ගේ ජීවීත නැති කරමින් සිදු වූ මෙම ගොඩනැගිල්ලේ  ගින්න ගැන මේ වෙනකොට සිදුවන පසු විපරම සිවිල් ඉංජිනේරූ මය සොයා බැලීමක් මෙන්ම , අපරාධ  කටයුතු වලට සම්බන්ධ පොලිස් පරීක්ෂණයක්ද වෙනවා.

බිල්ඩිමේ ගින්න පැතිරුනේ බිල්ඩිමේ පිටතින්. බිල්ඩිම පිටතින් සවිකර තිබු ක්ලැඩින් වලින් මෙම ගින්න පැතිරී ගියා. ගොඩනැගිලි ඉදිකිරීමේ ආරක්ශණ ක්‍රම ගැන ලෝකයේ වැඩිම අවධානයක් යොමු කරන ,එංගලන්තයේ මේ වගේ අතපසුවීමක්, එනම් ගින්නකට ඔරොත්තු  නොදෙන ක්ලැඩින් සවි කිරීමක් සිදූ වී තිබීම , එංගලන්තයේ ඉදී කිරීම් ක්ශේත්‍රයට කලු පැල්ලමක්.

ග්‍රෙන්ෆෙල් බිල්ඩිම අඩුආදායම්ලාභීන්ට කුලියට  ලබාදීමට ඉදිකරන ලද ගොඩනැගිල්ලක්. ඒ නිසා වියදම අවම කර ගැනීමට ඉතාම ලාභ, ගින්නකට ඔරොත්තු නොදෙන ක්ලැඩින් සවි කර තිබුනේ යැයි  ලොකු සැකයක් තියෙනවා.

ඇත්තටම ග්‍රෙන්ෆෙල් කියන්නේ මිනිස් මර උගුලක්. වේලාව එනකන් ඉදලා මිනිස්සු  බිලි ගන්න හදපු උගුලකට මේ අසරන මිනිස්සු කොටු උනා.

ලංකාවෙත් , අඩුආදායම් ලාභීන්ට මහල් නිවාස තැනීම  මේ වෙනකොට සීග්‍රයෙන් සිද්ධ වෙනවා. වියදම අවම කර ගැනීමට මේවා සදහා විවිධ අමුද්‍රව්‍ය යොදා ගැනීම සිද්ධ කරනවා. මේ ගොඩක් අමුද්‍රව්‍ය ,ලංකාවේ දේශගුණික තත්ත්වයන් යටතේ  ඉතා දීර්ඝකාලීනව මිනිස්සු අදුනගත්ත දේවල්.
ඒත් ලාභය උපරිම කිර්‍රීම, අඩුම වියදම බලාපොරොත්තුවෙන් අළුත් අමුද්‍රව්‍ය ශ්‍රී ලංකා ඉදිකිරීම්  ක්ශේත්‍රයට එන්න හැකියාවක් තියෙනවා. මේවගේ අලුත් අත්හදා බැලීම් අත්‍යවශ්‍යයි. ඒත් ඉදිකිරීම් ක්ශේත්‍රයට අඩුම මිල, අවම ඉදිකිරීම් කාලය වැනි සීමීත අරමුණු  කීපයක් පමනක් සලකා බලා මෙවැනි නව ඉදිකිරීම් ක්‍රම, අමුද්‍රව්‍ය  අදුන්වා දෙන්න බෑ.

එංගලන්තය වගේ ලංකාවේ  ඉදිකිරීම්  අංශයේ  නීතී රීති ඉතා තද නෑ. ඒ වගේම ඉදිකිරීම් අනුමත කරන ආයතන වලත් ලොකු අඩුපාඩු  තියෙනවා. ඒ නිසාම බිල්ඩිමක ආරක්ශාව ගැන ලංකාව මීට වඩා සැලකිලිමත් විය යුතුයි.

අපි කවුරුවත් කැමති නෑ පහසුවෙන් ගින්නක් පැතිර යා හැකි මහල් නිවාසයක් මිල දී ගන්න. අපි කවුරුවත් කැමති නෑ කඩාවැටෙන්න ලග බිල්ඩිමක ට ඇතුලු වන්න.

මෑතකදී වැල්ලවත්ත උත්සව ශාලාවක් කඩා වැටීම කාගෙත් අවධානයකට ලක් උනා. වාසනාවකට එදින එම ශාලාවේ උත්සවයක් තිබ්බෙ නෑ. හදිසියේවත් උත්සව දවසක එම අනතුර  සිද්ධ  උනා නම්, බිල්ඩිමේ ඉදිකිරීම ගැන මෙලෝ අලබෝලයක් නොදන්නා අහිංසක මිනිස්සුන්ගේ ජීවීත අවධානමකට ලක් වෙන්න ඉඩ තිබ්බා.


දැන් දැන් ලංකාවේ මහල් තට්ටු බිල්ඩින් වැඩි වැඩියෙන් ඉදිකිරීම් සිද්ධ  වෙනවා. නාගරීකරණයත් සමග මෙහි වැඩීවීමක් මිස අඩුවීමක් බලාපොරොත්තු  වෙන්න බෑ.

ඒ නිසා එංගලන්තයේ ග්‍රෙන්ෆෙල් , ලංකාවේ වැල්ලවත්ත වගේ අනතුරු, මිනිස් බිලිගැනීම් සිදු නොවෙන්න නම් , මේ ඉදිකිරීම් අනුමත කරන ආයතන මේවායේ ආරක්ශාව ගැන මීට වඩා අවධානමක්  දිය යුතුයි . දේශපාලන බලපෑම්  හා අල්ලස් වලට යට වී මිනිස්සුන්ගේ    ජීවීත එක්ක සෙල්ලං කිරීමට මේ ආයතන වලට ඉඩ නොදිය යුතුයි. එ වගේම ජනතාව වශයෙන් අපගේ දැනුවත් වීමද සිද්ධ විය යුතුයි .

1 comment:

  1. *Collection of Students Notes | Ebook | PDF | Project Report | PPT*
    *Links*
    https://expertcivil.com/project-report-on-multi-storied-building/

    https://expertcivil.com/civil-engineering-formulas-e-book-download/

    https://expertcivil.com/bamboo-used-as-construction-material-ppt-download/

    https://expertcivil.com/bamboo-used-as-construction-material-ppt-download/

    https://expertcivil.com/aerated-autoclaved-concrete-ppt-download/

    https://expertcivil.com/precast-construction-presentation-download/

    https://expertcivil.com/nano-technology-in-construction-download-presentation/

    https://expertcivil.com/what-are-the-main-problems-for-civil-engineer/

    https://expertcivil.com/1500-important-civil-engineering-mcq-with-solution-by-expert-civil-com/

    ReplyDelete